4.7.2011 21:54:12VSFK og Efling semja við sveitarfélögin
VSFK og efling hafa undirritað nýjan kjarasamning við Samband íslenskra sveitarfélaga. Meginatriði hans fara hér á eftir. Atkvæðagreiðsla um samninginn hefst í næstu viku um leið og kjörgögn og kynningarbæklingur hafa verið send félagsmönnum. Atkvæðagreiðslu lýkur 19. júlí nk.
Aðalatriði samningsins:
Samningurinn gildir frá 1. maí 2011 til 30. júní 2014
Ný launatafla tekur gildi frá 1. júní 2011
Launataxtar hækka um 16,9% til 21,09% en þó að lágmarki um 34.000 kr. á samningstímanum
Hækkun orlofsuppbótar er 10.200 kr. og verður 36.000 kr. árið 2011
Desemberuppbót árið 2011 verður 75.500 kr
Nýtt launakerfi í tímamældri ákvæðisvinnu í ræstingum
Við samþykkt kjarasamningsins greiðist sérstök eingreiðsla 50.000 kr. hverjum starfsmanni í fullu starfi sem er við störf í maí og miðast greiðslan við fullt starf í mánuðunum mars-maí. Starfsmenn í hlutastarfi fá greitt hlutfallslega miðað við starfshlutfall og starfstíma.
Starfsmenn sem eru við störf þann 1. febrúar 2012 fá greidda sérstaka eingreiðslu 25.000 kr. miðað við fullt starf. Starfsmenn í hlutastarfi fá greitt hlutfallslega miðað við starfshlutfall.
Lágmarkslaun verða fyrir fullt starf:
Frá 1. júní 2011 196.708
Frá 1. mars 2012 203.593
Frá 1. mars 2013 211.941
Frá 1. mars 2014 219.799
Eftirtalin sveitarfélög eru á samningssvæði Eflingar-stéttarfélags og VSFK: Hveragerðisbær Kópavogsbær Mosfellsbær Reykjanesbær Seltjarnarnesbær Sveitarfélagið Garður Sveitarfélagið Vogar Sveitarfélagið Ölfus
Aðalfundur Verkalýðs- og sjómannafélags Keflavíkur og nágrennis verður haldinn þriðjudaginn 24. ap... meira