Svignaskarð 8 var tekið í notkun 17. júní 2005. Húsið líkar mjög vel í alla staði, en það hefur verið mjög vel sótt frá þeim tíma og allt til dagsins í dag.

Húsið er 76 fermetrar af stærð, þriggja herbergja með svefnplássi fyrir 7 manns og er búið nánast öllum þægindum. Að auki er með húsinu stór verönd með heitum potti.

Gestum orlofsbúðanna er lögð til sápa,salernispappír og blauttuskur,svo sem gólfklútar og borðtuskur.  Tuskum og klútum skal skilað að lokinni dvöl. Við húsið er heitur pottur, leiðbeiningar um notkun hans er að finna í húsinu. Geymsluskúr er við bústaðinn og eru þar geymd úti sólstólar og borð.

Á svæðinu er þjónustumiðstöð, þar er umsjónarfólk sem reynir að leysa úr vanda sem upp kann að koma og veita almennar upplýsingar. Í þjónustumiðstöðinni er setustofa m/sjónvarpi, afgreiðsla á lyklum, einnig er þvottavél og þurrkari til afnota fyrir gesti,  baðaðstaða og sauna-bað. Auglýstur opnunartími hangir uppi í þjónustumiðstöðinni. Á svæðinu er ýmis aðstaða til leikja og útiveru fyrir börn og fullorðna. Sundlaug er í Varmalandi í um 7 km. fjarlægð.

Svignaskarð er í Borgarfirði. Þaðan er mjög víðsýnt yfir sveitina. Margir sögufrægir staðir eru í nágrenninu sem vert er að skoða og víða er boðið til ýmissar afþreyingar svo sem hestaferðir og veiði í vötnum. Upplýsingar fást í þjónustumiðstöðinni.

Aðeins um 5 km. eru í næstu verslun og 12 km. í Borgarnes þar sem er sundlaug, golfvöllur og allskyns þjónusta. Að auki eru fjölbreyttir möguleikar til afþreyingar vítt og breitt um Borgarfjörðinn.

Orlofsbúðirnar í Svignaskarði eru leigðar út allt árið. Umsjónarfólkið hefur fasta búsetu í þjónustumiðstöðinni í Svignaskarði og þjónar því byggðinni allt árið.